"ही आमची दुसरी सुरुवात…"; अभिनेत्री अपूर्वा नेमळेकर आणि तनुज गोवलकर अडकले विवाहबंधनात; चाहत्यांकडून शुभेच्छांचा वर्षाव, पाहा Photo's

'व्हॅलेंटाइन डे'ला लग्न : मराठी अभिनेत्री अपूर्वा नेमळेकर हिने १४ फेब्रुवारी २०२६ रोजी व्हॅलेंटाइन डेच्या दिवशी विवाहबंधनात अडकत चाहत्यांना सुखद धक्का दिला. | (Photo-Instagram/@apurvanemlekarofficial)

अधिकृत नावाला प्रेमाची मोहर : सोशल मीडियावर लग्नाचे खास फोटो शेअर करत तिने आपल्या जोडीदार तनुज गोवलकरसोबत नव्या आयुष्याची घोषणा केली. आता ती 'सौभाग्यवती अपूर्वा तनुज गोवलकर' झाली आहे.

भावनिक पोस्टने जिंकली मने : लग्नानंतरच्या पोस्टमध्ये अपूर्वाने आयुष्यातील संघर्ष आणि प्रेमावरचा विश्वास व्यक्त केला. "अनेक वादळांनंतर शांतता मिळाली," असे तिने इंस्टाग्राम पोस्टमध्ये म्हटले आहे.

'शेवंता' मुळे घराघरात लोकप्रिय: 'रात्रीस खेळ चाले' या मालिकेतील 'शेवंता' या भूमिकेमुळे अपूर्वा प्रचंड लोकप्रिय झाली. तिच्या नकारात्मक भूमिकेलाही प्रेक्षकांनी भरभरून प्रेम दिले होते.

Bigg Boss Marathi 4 मध्ये उपविजेती ठरल्याने तिचा चाहतावर्ग वाढला. संयम आणि ठाम भूमिकेमुळे ती विशेष चर्चेत राहिली.

चाहत्यांकडून शुभेच्छांचा वर्षाव : पहिल्या लग्नातील अनुभवांनंतर योग्य व्यक्ती मिळाल्यावरच लग्न करेन, असे अपूर्वाने यापूर्वी सांगितले होते. अखेर प्रेमाच्या दिवशी म्हणजेच 'व्हॅलेंटाईन डे'ला तिने नवा अध्याय सुरू केला. सध्या सोशल मीडियावर दोघांच्या फोटोंवर शुभेच्छांचा वर्षाव होत आहे.

एकमेकांना मॅच होणाऱ्या हिरव्या रंगाच्या कपड्यांमुळे त्यांची जोडी अधिक आकर्षक, उठावदार आणि नजरेत भरेल अशी दिसत होती. दोघांच्या लूकची सध्या सोशल मीडियावर चर्चा होत आहे.