उशिरा झोपायची सवय आहे? जाणून घ्या आरोग्याला होणारे तोटे

एका अभ्यासाच्या माध्यमातून असं लक्षात आलंय की ज्या व्यक्ती रात्रीची कमी झोप घेतात त्यांच्यात ताणतणाव, रागीटपणा, चिडचिडेपणा दिसून येतो.सातत्याने चिडचिड होत हे असल्यासं पुरेशी झोप न मिळण्याचं लक्षणं असतं.

जेव्हा व्यक्तीला पुरेशी झोप मिळत नाही तेव्हा त्या व्यक्तीला जास्त प्रमाणात कॉफी पिण्याची सवय लागते.जर तुमची अति कॉफी पिण्याची सवय मोडत नसेल तर कदाचित तुम्हाला पुरेशी झोप मिळत नसणार.

झोप पूर्ण झाली नाही की मेंदूला आरोग्यासाठी योग्य नसणारे पदार्थ खाण्याची इच्छा होते. कारण झोप पूर्ण न झाल्याने आपण थकतो आणि अशा वेळी झटपट तयार होणाऱ्या पदार्थांना प्राधान्य देतो.तुमची झोप अपुरी राहिली असेल तर सकाळी तुम्हाला चीज बर्गर, फ्राईज असे पदार्थ खाण्याची इच्छा होते.

अनेक अभ्यासांमधून देखील असं लक्षात आलंय की, व्यक्तीला पुरेशी झोप न मिळाल्यास डोळ्यातून सातत्याने पाणी येणं, डोळ्यांखाली सूज येणं, डोळ्यांखालची त्वचा सुरकुतणं अशा समस्या आढळतात.

दररोजचं वेळापत्रक तयार करा, वेळापत्रकानुसार वेळेवर झोपा आणि वेळेवर उठा, तुम्ही झोपत असलेली खोली थंड आणि शांत ठेवण्याचा प्रयत्न करा, दररोज नियमितपणे व्यायाम करा, जेणेकरून तुम्हाला चांगली झोप लागेल.