तुम्हाला बद्धकोष्ठ किंवा अन्य काही पोटाचे विकार आहेत का? काळजी करू नका. दररोज रात्री 10 ते 15 मनुके चावून चावून खा. यामुळे सकाळी उठल्यावर पोट स्वच्छ होईल. | All Photo Freepik
मनुक्यांचे वेगवेगळे प्रकार असतात. यामध्ये काळे मनुके सर्वोत्तम मानले जातात. काळे मनुके नियमितपणे खाल्ल्याने रक्त वाढते. यामधील जीवनसत्त्व बी कॉम्प्लेक्स रक्त वाढवण्यासाठी मदत करते.
विशेष करून महिलांनी मनुक्यांचा आहारात दररोज समावेश करायला हवा. महिलांमध्ये रक्ताची कमी अर्थात ॲनिमियाची समस्या मोठ्या प्रमाणात असते.
मनुके खाल्ल्याने डोळ्यांचे आरोग्य चांगले राहते. यामध्ये जीवनसत्त्व अ, बीटा कॅरोटीन, अँटी ऑक्सिडंट्स असतात जे डोळ्यांच्या आरोग्यासाठी फायदेशीर असतात.
मनुक्यात पोटॅशियमचे प्रमाण जास्त असते. जे रक्तदाब नियंत्रित करण्यासाठी उत्तम असते. त्यामुळे उच्च रक्तदाबाचा त्रास असलेल्या व्यक्तिंनी याचा आहारात समावेश करावा.
मनुके खाल्ल्याने शरिराला तातडीने ऊर्जा प्राप्त होते. त्यामुळे थकवा जाणवत असेल तर अशा वेळी मनुक्यांचे सेवन करावे.
तुम्हाला सातत्याने अशक्तपणा जाणवत असेल तर दररोज किमान एक छोटी वाटी मनुके खायला हवे. मनुक्यांमुळे शरिराला ताकद मिळते. हळूहळू अशक्तपणा दूर होतो.
(Disclaimer: या लेखातील मुद्दे आम्ही केवळ माहिती म्हणून वाचकांपर्यंत पोहोचवत आहोत. याद्वारे आम्ही कोणत्याही प्रकारचा दावा करत नाही. त्यामुळे तज्ज्ञांचा सल्ला घेणं आवश्यक आहे.)