महाराष्ट्रासह, मुंबईमध्ये कोरोना डोके वर काढतोय...

सहा जिल्ह्यांमध्ये रुग्णांचे प्रमाण वाढल्याने आरोग्य अधिकार्‍यांना तात्काळ चाचण्या घेण्यास सांगितले आहे
महाराष्ट्रासह, मुंबईमध्ये कोरोना डोके वर काढतोय...
File PhotoANI

महाराष्ट्रासोबतच मुंबईमध्ये कोरोना पुन्हा एकदा आपले डोके मोठ्या प्रमाणावर वर काढताना दिसत आहे. दिवसेंदिवस आकडेवारी वाढत आहे. गेल्या २४ तासांत महाराष्ट्रात कोरोनाचे १८८१ नवीन रुग्ण आढळले आहेत. त्यापैकी एकट्या मुंबईत १२४२ कोरोनाचे नवीन रुग्ण आढळले आहेत, तर ५०६ लोक कोरोनातून बरेही झाले आहेत. मुंबईत गेल्या २४ तासांत कोरोनामुळे एकाही मृत्यूची नोंद झालेली नाही. आता राज्यात कोरोनाचे ५९४७ सक्रिय रुग्ण आहेत. कोरोना स्फोटाची परिस्थिती पाहता महाराष्ट्राचे मुख्यमंत्री उद्धव ठाकरे यांनी जनतेला कोविड प्रोटोकॉलचे पालन करून योग्य वागण्याचे आवाहन केले आहे. ते म्हणाले की, लोकांनी योग्य प्रकारे मास्क लावावे आणि लस घ्यावी.

राज्य मंत्रिमंडळाने सोमवारी वाढत्या कोरोना प्रकरणांवर सविस्तर चर्चा केली. आरोग्य मंत्री राजेश टोपे म्हणाले की, सहा जिल्ह्यांमध्ये रुग्णांचे प्रमाण वाढल्याने आरोग्य अधिकार्‍यांना तात्काळ चाचण्या घेण्यास सांगितले आहे.

Related Stories

No stories found.
marathi.freepressjournal.in