मुंबई : सुमारे १३ कोटी रुपयांच्या कोकेन तस्करीप्रकरणी एका विदेशी महिलेस छत्रपती शिवाजी महाराज आंतरराष्ट्रीय विमानतळावर कस्टम विभागाने अटक केली. या महिलेकडून या अधिकाऱ्यांनी १ किलो ३०० ग्रॅम वजनाचे उच्च प्रतीचे कोकेन जप्त केले आहे. तिच्याविरुद्ध एनडीपीएस कलमांतर्गत कारवाई करण्यात आली असून याच गुन्ह्यांत तिला लोकल कोर्टाने न्यायालयीन कोठडी सुनावली आहे. शनिवारी विदेशातून आलेल्या एका महिलेला अधिकाऱ्यांनी चौकशीसाठी ताब्यात घेतले असता तिच्या बॅगेतून १ किलो ३०० ग्रॅम वजनाचे कोकेन सापडले. या कोकेनची किंमत सुमारे तेरा कोटी इतकी आहे. तिला हे ड्रग्ज कोणी दिले आणि ती हे ड्रग्ज कोणाला देणार होती, याचा तपास सुरू असल्याचे पोलिसांनी सांगितले.
