मोटरमनच्या प्रसंगावधानामुळे वृद्धाचे जीव वाचले

मुंबई : कांदिवली रेल्वे स्थानकाजवळ एका वृद्धाने आत्महत्या करण्यासाठी लोकलसमोर उडी घेतली. मात्र, प्रसंगावधान राखून मोटरमनने लोकल थांबवून त्याचे प्राण वाचवले. ही घटना सकाळी ९ वाजण्याच्या सुमारास घडली.

चर्चगेटहून बोरीवलीकडे ही लोकल निघाली होती. तेव्हा रेल्वे रुळात एक वृद्ध आत्महत्या करत असल्याचे मोटरमनला दिसला. त्यांनी तात्काळ ब्रेक लावत लोकल थांबवली, असे अधिकाऱ्यांनी सांगितले. त्याचबरोबर, त्याच ट्रेनमधील प्रवासी असलेला दुसरा मोटरमन सहप्रवाशांच्या मदतीने पीडित व्यक्तीला मदत करण्यासाठी घटनास्थळी धावला. ते येईपर्यंत वृद्ध व्यक्ती रुळावरून दूर गेली आणि दुर्घटना टळली. त्या वृद्धाच्या सुरक्षिततेची खात्री केल्यानंतर आणि ट्रेन मॅनेजरकडून मंजुरी मिळाल्यानंतर मोटरमनने साधारण दोन मिनिटांनंतर ट्रेन पुन्हा सुरू केली.या वृद्धाचा शोध सध्या अधिकारी घेत आहेत. रेल्वेचे कर्मचारी अत्यंत कठीण अवस्थेतही शांतपणे काम करतात. प्रवाशांचे जीव वाचण्याचा प्रयत्न करत असतात.