मुंबई : रेल्वे रूळ, सिग्नल यंत्रणा आणि विविध अभियांत्रिकी कामांसाठी उपनगरीय मार्गावर रविवारी ब्लॉक घेण्यात येतो. मात्र या रविवारी (दि. २४ नोव्हेंबर) पश्चिम रेल्वे मार्गावर दिवसकालीन ब्लॉक घेण्यात येणार नाही. त्यामुळे रविवारी कामानिमित्त घराबाहेर पडणाऱ्या प्रवाशांना मोठा दिलासा मिळणार आहे.
पश्चिम रेल्वेने शनिवारी रात्री वसई रोड येथील यार्ड आणि मालवाहतूक मार्गावर ब्लॉक घेतला आहे. शनिवारी रात्री १२.१५ ते पहाटे ३. १५ या कालावधीत हा ब्लॉक असेल. यामुळे उपनगरीय वाहतुकीवर कोणताही परिणाम होणार नाही.
या ब्लॉकमुळे पश्चिम रेल्वे मार्गावर रविवारी दिवसकालीन ब्लॉक नसेल, असे रेल्वे प्रशासनाने सांगितले.
