नवी दिल्ली : भारताने शनिवारी विकसनशील देशांना मदत करण्याच्या उद्देशाने पर्यावरण आणि हवामान निरीक्षणासाठी जी-२० उपग्रह प्रक्षेपित करण्याचा प्रस्ताव दिला आहे. अमेरिकेचे राष्ट्राध्यक्ष जो बिडेन, ब्रिटनचे पंतप्रधान ऋषी सुनक आणि दक्षिण आफ्रिकेचे अध्यक्ष सिरिल रामाफोसा यांच्यासह जागतिक नेत्यांच्या उपस्थितीत भारत मंडपम आंतरराष्ट्रीय अधिवेशन केंद्रात जी-२० नेत्यांच्या शिखर परिषदेत पंतप्रधान नरेंद्र मोदी यांनी ही सूचना केली.भारताच्या यशस्वी चांद्रयान मोहिमेतून मिळालेल्या डेटाप्रमाणेच जी-२० उपग्रह मोहीम संपूर्ण मानवजातीसाठी फायदेशीर ठरेल, असे मोदी म्हणाले.
त्याच भावनेने भारत 'जी-२० सॅटेलाइट मिशन फॉर एन्व्हायर्नमेंट अँड क्लायमेट ऑब्झर्व्हेशन' लाँच करण्याचा प्रस्ताव ठेवत आहे, असे ते म्हणाले. यातून मिळालेली हवामानविषयक माहिती सर्व देशांसह, विकसनशील देशांसह वाटली जाईल, असेही ते म्हणाले.
