अदानी समूह एनडीटीव्हीच्या प्रमोटर्सकडील २९.१८ टक्के हिस्सा ताब्यात घेणार असल्याचे जाहीर झाल्यानंतर गुरुवारीही एनडीटीव्ही लि.चे शेअर्स अप्पर सर्किटला लागले. एनएसई आणि बीएसईमध्ये एनडीटीव्हीचे शेअर्स सुरुवातीच्या व्यवहारातच ५ टक्के वाढले आणि मग अप्पर सर्किट लागले. कंपनीचे शेअर्स ५ टक्के वाढून ४०७.६० रुपये एनएसईवर जात ५२ आठवड्यातील उच्चांक गाठला. बुधवारी हा शेअर ३८८ रुपये होता.
अशाच प्रकारे बीएसईवर एनडीटीव्हीचा शेअर ५ टक्के वधारुन ५२ आठवड्यातील उच्चांकी ४०३.६० रु.वर बंद झाला. गेल्या दोन दिवसात कंपनीचे बाजारमूल्य बीएसईवर २४१.७८ कोटींनी वधारुन २,६०२.७१ कोटी झाले.
