वॉशिंग्टन: अमेरिकेच्या राष्ट्रीय गुप्तचर संचालक (डीएनआय) तुलसी गबार्ड यांनी पदाचा राजीनामा देत असल्याचे जाहीर केले आहे. त्या ३० जूनपर्यंत आपले पद सांभाळणार असून त्यानंतर मात्र त्या पदावरून पायउतार होणार आहेत. वैयक्तिक कारणांमुळे हा निर्णय घेतला असून अमेरिकेचे अध्यक्ष डोनाल्ड ट्रम्प यांनीही त्यांचा राजीनामा मान्य केला आहे. तुलसी यांचे सध्याचे उपप्रमुख, अॅरॉन लुकास, हे या काळात प्रभारी डीएनआय म्हणून काम पाहतील, असे त्यांनी जाहीर केले आहे.
व्हाईट हाऊसने सांगितले की, कायमस्वरूपी अधिकाऱ्याचे नाव योग्य वेळी जाहीर केले जाईल. एक्सवरील एका पोस्टमध्ये गबार्ड यांनी सांगितले की, त्यांचे पती अब्राहम विल्यम्स यांना हाडांच्या कर्करोगाचा एक अत्यंत दुर्मिळ प्रकार झाल्याचे निदान झाले आहे. पतीची आणि त्यांच्या कुटुंबाची पूर्णवेळ काळजी घेण्यासाठी त्या त्यांच्या सध्याच्या नोकरीतून पायउतार होणार आहेत.
ट्रम्प यांना लिहिलेल्या आपल्या राजीनामा पत्रात, गबार्ड यांनी गेल्या दीड वर्षांपासून सेवा करण्याची संधी मिळाल्याबद्दल कृतज्ञता व्यक्त केली. त्यांनी आपल्या नेतृत्वाखाली पारदर्शकता वाढवणे, राष्ट्रीय गुप्तचर संचालक कार्यालयात सचोटी पुनर्संचयित करणे आणि प्रमुख राष्ट्रीय सुरक्षा प्राधान्यक्रम पुढे नेण्यात झालेल्या प्रगतीवर विशेष भर दिला.
त्याला प्रतिसाद म्हणून, ट्रम्प यांनी गबार्ड यांच्या कामगिरीची दखल घेतली आहे आणि जाहीर केले आहे की, तुलसी यांचे सध्याचे उपप्रमुख, अॅरॉन लुकास, संक्रमण काळात प्रभारी डीएनआय म्हणून काम पाहतील. व्हाईट हाऊसने पुढे सांगितले की, कायमस्वरूपी उत्तराधिकाऱ्याचे नाव योग्य वेळी जाहीर केले जाईल.