नागपूर : मुख्यमंत्री देवेंद्र फडणवीस यांनी रविवारी नागपुरातील राष्ट्रीय स्वयंसेवक संघाच्या मुख्यालयाला भेट दिली. यावेळी सरसंघचालक मोहन भागवत यांची त्यांनी भेट घेतली, अशी माहिती सूत्रांनी दिली. या भेटीदरम्यान नेमकी कोणत्या विषयांवर चर्चा झाली, हे समजू शकले नाही. मुख्यमंत्री फडणवीस यांनी शहरातील महाल परिसरात असलेल्या संघ मुख्यालयाला भेट दिली.
फडणवीस हे आगामी विधान परिषद निवडणुकीच्या पार्श्वभूमीवर पक्षाचे उमेदवार सुधाकर कोहळे यांच्या प्रचारासाठी विविध बैठकांना संबोधित करणार आहेत. नागपूर विभाग पदवीधर मतदारसंघातून कोहळे निवडणूक लढवत आहेत. ७८ सदस्यांच्या महाराष्ट्र विधान परिषदेत पदवीधर मतदारसंघातील तीन आणि शिक्षक मतदारसंघातील दोन अशा एकूण पाच जागांसाठी द्वैवार्षिक निवडणुका २३ ऑक्टोबर रोजी होणार आहेत.