आशिष सिंग/मुंबई

अंमलबजावणी संचालनालयाने (ईडी) बुधवारी भारतीय राष्ट्रीय महामार्ग प्राधिकरणाच्या टोल प्लाझांवर कथित बनावट टोल वसुली आणि टोल महसुलातील गैरव्यवहाराच्या मनी लाँड्रिंग प्रकरणाच्या तपासाचा भाग म्हणून महाराष्ट्रातील विविध ठिकाणांवर छापे टाकले. हे छापे अनेक राज्ये आणि प्रदेशांमधील १४ ठिकाणी मारलेल्या छाप्यांच्या मोठ्या कारवाईचा एक भाग आहेत.

मनी लाँड्रिंग प्रतिबंधक कायदा , २००२ च्या कलम १७ अंतर्गत ईडीच्या लखनौ विभागीय कार्यालयाने मारलेले हे छापे उत्तर प्रदेश, राजस्थान, राष्ट्रीय राजधानी क्षेत्र आणि कोलकाता येथील ठिकाणांवरही सुरू आहेत.

हा तपास जानेवारी २०२५ मध्ये नोंदवलेल्या एका प्रकरणावरून सुरू झाला आहे. ईडीच्या तपासात समोर आले की, मान्यताप्राप्त प्रणालीबाहेर बनावट टोल पावत्या तयार करण्यासाठी टोल-वसुली प्रणालीसोबतच अवैध सॉफ्टवेअरचा वापर होत होता.

हिशोबात नसलेली रोख रक्कम वळवली

तपास अधिकाऱ्यांना संशय आहे की, या हिशोबात नसलेल्या रोख रकमा नंतर वळवण्यात आल्या आणि वेगवेगळ्या बँक खात्यांद्वारे तसेच इतर आर्थिक माध्यमांतून पुढे पाठवण्यात आल्या. हे कथित नेटवर्क १४ राज्यांतील किमान ४२ टोल प्लाझांवर सक्रिय असल्याचा संशय आहे.

(संबधित इंग्रजी बातमी वाचण्यासाठी येथे क्लिक करा.)