नाशिक : नाशिक लैंगिक शोषण प्रकरणातील एक संशयित असणाऱ्या निदा खानच्या अटकपूर्व जामिनावरील सुनावणी २७ एप्रिलपर्यंत लांबणीवर टाकण्यात आली आहे. निदा खानवर टीसीएसने अखेर निलंबनाची कठोर कारवाई केली असून ९ एप्रिल रोजीच तिच्यावर ही कारवाई केली. पण सोमवारी ही बाब समोर आली आहे.

निदा खान सध्या न्यायालयीन किंवा पोलिस कोठडीत आहेत. या परिस्थितीमुळे त्या आपल्या व्यावसायिक जबाबदाऱ्या पार पाडण्यास निलंबन आदेशात हे स्पष्टपणे नमूद करण्यात आले आहे की, निदा खान या २७ डिसेंबर २०२१ पासून कंपनीशी संलग्न होत्या. त्या 'प्रोसेस असोसिएट' या पदावर कार्यरत होत्या. कंपनीने त्यांचा नेटवर्क ॲक्सेसही तत्काळ प्रभावाने रद्द केला आहे. याव्यतिरिक्त, सध्या त्यांच्या ताब्यात असलेल्या कंपनीच्या सर्व मालमत्ता परत करण्याच्या सूचनाही जारी करण्यात आल्या आहेत. तसेच त्यांना कोणत्याही कार्यालयात उपस्थित राहण्यास अथवा घरून काम करण्यासही मनाई करण्यात आली आहे.