मुंबई : खार पश्चिम येथील लिंकिंग रोडवर १० मे रोजी रिक्षावर झाड कोसळले. या घटनेत रिक्षात बसलेल्या आरिका श्रीवास्तव ( १४) व हर्षिता कुमार (२१) या दोघी गंभीर जखमी झाल्या. दोघा जखमींना पी. डी. हिंदुजा रुग्णालयात उपचारासाठी दाखल करण्यात आले. मात्र, आरिका श्रीवास्तव हीची मृत्यूशी झुंज अपयशी ठरली असून रविवारी सकाळी ६ वाजता मृत्यू झाल्याचे रुग्णालय प्रशासनाकडून सांगण्यात आले. दरम्यान, हिंदुजा रुग्णालयात उपचार घेणारी हर्षिता कुमार हीची प्रकृती गंभीर असल्याचे रुग्णालय प्रशासनाकडून सांगण्यात आले.
खारमधील लिंकिंग रोडवर १० मे रोजी रिक्षावर झाड कोसळले. यात रिक्षात बसलेल्या आरिका श्रीवास्तव व हर्षिता कुमार या दोघी गंभीर जखमी झाल्या होत्या.