मुंबई : म्हाडाच्या मुंबई मंडळामार्फत आदर्श नगर-वरळी, वांद्रे रेक्लेमेशन आणि एस.व्ही.पी. नगर, अंधेरी (पश्चिम) येथील समूह पुनर्विकास प्रकल्पांसाठी बांधकाम व विकास संस्था नियुक्त करण्यासाठी प्रसिद्ध करण्यात आलेल्या निविदांच्या वित्तीय निविदा नुकत्याच उघडण्यात आल्या आहेत. यामधील आदर्श नगर-वरळी प्रकल्पासाठी मे. अदानी प्रॉपर्टीज प्रा. लि. हे उच्चतम निविदाकार आहेत.
वांद्रे रेक्लेमेशन प्रकल्पाकरिता मे. अदानी प्रॉपर्टीज प्रा. लि. हे उच्चतम निविदाकार आहेत. एस. व्ही. पी. नगर, अंधेरी (पश्चिम) प्रकल्पासाठी मे. हनुरा रियलटी प्रा. लि., मे. चांडक रियलटर्स प्रा. लि., मे. प्रेमसागर इन्फ्रा रियलटी प्रा. लि., मे. वॅनटियर रियलटी प्रा. लि. यांचा समूह हे उच्चतम निविदाकार आहेत. मे. हनुरा रियलटी प्रा. लि. ही मे. जे.एस.डबल्यु. स्टील लि. यांची उपकंपनी आहे.
तिन्ही प्रकल्पांसाठी उच्चतम निविदाकारांच्या निविदा स्वीकृतीचा प्रस्ताव सदर प्रकल्पाकरिता गठित करण्यात आलेल्या उच्चाधिकार समितीसमोर सादर करण्याचे प्रस्तावित आहे. सदर प्रस्तावास उच्चाधिकार समितीची मान्यता प्राप्त झाली.