मुंबई : सिद्धिविनायक मंदिरात ये-जा करणाऱ्या भक्तांची व प्रवाशांची वाढती मागणी लक्षात घेता नवीन वातानुकूलित बससेवा शनिवारपासून २० ते २२ मिनिटांच्या अंतराने सोडण्यात येणार आहेत.

उपमुख्यमंत्री एकनाथ शिंदे यांच्या निर्देशानुसार सिद्धिविनायक मंदिर येथील भाविकांच्या व प्रवाशांच्या वाढत्या प्रतिसादामुळे त्यांच्या सोयीकरिता बेस्ट उपक्रमातर्फे दादर स्थानक (प.) आणि सिद्धिविनायक मंदिर (प्रभादेवी) दरम्यान नवीन वातानुकूलित वर्तुळाकार बसमार्ग 'श्री सिद्धिविनायक फेरी' (ए-८१४) शनिवार २३ मेपासून वर्तुळाकार सेवेत कार्यान्वित करण्यात येत आहे.

बससेवेचा प्रवासमार्ग थांबा

दादर स्थानक (प.), डॉ. ॲन्टोनी डिसिल्वा हायस्कूल, प्रबोधनकार ठाकरे चौक, श्री सिद्धिविनायक मंदिर, रवींद्र नाट्यमंदिर (पोर्तुगीज चर्च), आगरबाजार, दादरस्थानक (प.), (प्रभादेवी) दादर पोलिस ठाणे, शारदाश्रम, कबुतरखाना.

प्रस्थानस्थान बस वेळ

दादर स्थानक (प.) - पहिली बस सकाळी ७ वाजता

दादर स्थानक (प.) - शेवटची बस रात्री ८.५५ वाजता