मुंबई : भारतीय हवामान खात्याच्या माहितीनुसार, यंदा नैऋत्य मान्सून मुंबईत १६ दिवस आधी २६ मे रोजी दाखल झाला असून १९५० नंतरचा हा सर्वात लवकरचा मान्सून आगमन आहे.

शनिवारी (२५ मे) हा प्रमुख पर्जन्यवाहक प्रणाली केरळमध्ये दाखल झाला. ते २००९ नंतरचे सर्वात लवकरचे आगमन ठरले. त्यावेळीही मान्सून २३ मे रोजी केरळमध्ये पोहोचला होता.

सामान्यतः १ जून रोजी मान्सून केरळमध्ये दाखल होतो. ११ जून रोजी मुंबईत पोहोचतो आणि८ जुलैपर्यंत संपूर्ण भारत व्यापून टाकतो. मान्सून साधारणतः १७ सप्टेंबरपासून उत्तर-पश्चिम भारतातून परत सुरू होतो आणि १५ ऑक्टोबरपर्यंत पूर्णपणे माघार घेतो.

वेधशाळेने वादळी वाऱ्यांसह विजांसहित मुसळधार पावसाचा इशारा दिला होता. मुंबईतील काही भागांवर जोरदार पावसाचा मारा झाला. भारतीय हवामान खात्याच्या मुंबईच्या कार्यालयानुसार, १९५० पासून उपलब्ध आकडेवारीवरून हे स्पष्ट होते की, या वर्षी मान्सूनचा मुंबईत सर्वात लवकर प्रवेश झाला आहे.

भारतीय हवामान खात्याच्या शुश्मा नायर यांनी सांगितले, आज दक्षिण-पश्चिम मान्सून मुंबईत दाखल झाला. गेल्या ७५ वर्षांतील हा सर्वात लवकर आगमन आहे. त्यांनी सांगितले की, १९५६ साली २९ मे रोजी मान्सून मुंबईत पोहोचला होता. तसेच १९६२ आणि १९७१ सालीही हाच दिवस होता.

हवामान शास्त्रज्ञांचे म्हणणे आहे की, मान्सूनच्या आगमनाच्या तारखांचा हंगामी एकूण पावसाच्या प्रमाणाशी थेट संबंध नसतो. म्हणजे केरळ किंवा मुंबईत मान्सून लवकर किंवा उशिरा पोहोचल्याने देशातील इतर भागातही तो लवकर किंवा उशिरा पोहोचेल, असे गृहित धरता येत नाही. मान्सूनमध्ये मोठ्या प्रमाणावर क्षेत्रीय व जागतिक चढ-उतार असतात.

हवामान खात्याने एप्रिलमध्ये सरासरीपेक्षा जास्त पाऊस होण्याचा अंदाज वर्तवला होता आणि एल निनोच्या परिस्थितीचे शक्यते नाकारली होती.

यापूर्वीचे मान्सून आगमन

२०२२ ११ जून

२०२१ ९ जून

२०२० १४ जून

२०१९ २५ जून

यापूर्वीचा मुंबईतील पाऊस

२०२४ – ९३४.८ मिमी (१०८%)

२०२३ – ८२० मिमी (९४.४%)

२०२२ – ९२५ मिमी

२०२१ – ८७० मिमी

२०२० – ९५८ मिमी

भारतीय हवामान खात्याच्या मते

५० वर्षांच्या सरासरी (८७ सेमी) च्या ९६% ते १०४% दरम्यानचा पाऊस "सामान्य" मानला जातो.

९०% पेक्षा कमी – कमी पावसाचे वर्ष

९०% ते ९५% – सरासरीपेक्षा कमी

१०५% ते ११०% – सरासरीपेक्षा अधिक

११०% पेक्षा जास्त – अति पावसाचे वर्ष