कोलकाता : तृणमूल काँग्रेसचे खासदार अभिषेक बॅनर्जी यांच्या आमताला येथील पक्ष कार्यालयावर दक्षिण २४ परगणा जिल्हा प्रशासनाने शनिवारी मोठी कारवाई केली. आवश्यक मंजुरी न घेता आणि बांधकाम नियमांचे उल्लंघन करून हे कार्यालय उभारण्यात आल्याचे कारण देऊन प्रशासनाने बुलडोझरचा वापर करून हे इमारत पाडण्याचे काम सुरू केले. शनिवारी सकाळपासूनच या परिसरात पोलीस आणि केंद्रीय दलांचा मोठा बंदोबस्त तैनात करण्यात आला होता.
सुरक्षा कठडे (गार्ड रेल्स) लावून संपूर्ण परिसराला वेढा घालण्यात आला होता. दुपारी १२ च्या सुमारास तीन बुलडोझर घटनास्थळी आणण्यात आले.
प्रशासनाने सुरुवातीला कार्यालयासमोरील शेड हटवले आणि त्यानंतर इमारतीचा समोरील भाग पाडण्यास सुरुवात केली. खबरदारीचा उपाय म्हणून अग्निशामक दलाचे जवानही घटनास्थळी हजर होते.