हैदराबाद : तेलंगणा उच्च न्यायालयाने अंतरिम दिलासा देण्यास नकार दिल्यानंतर पोक्सो कायद्यांतर्गत गुन्हा दाखल झालेला बंडी भागीरथ याला पोलिसांनी अटक केली आहे. केंद्रीय मंत्री बंदी संजय कुमार यांनी शनिवारी स्वतः त्यांच्या मुलाला पोलिसांसमोर हजर राहून चौकशीला सामोरे जाण्याचे आदेश दिल्याची माहिती दिली. गेल्या आठवड्यात याप्रकरणी तक्रार नोंदवण्यात आल्यानंतर लगेचच मुलाला पोलिसांना सहकार्य करण्यास सांगितले होते, असे त्यांनी स्पष्ट केले.
केंद्रीय मंत्री म्हणाले की, भागीरथने आपली कोणतीही चूक नसल्याचा दावा वारंवार केला असून त्याने आपल्या बाजूचे पुरावे वकिलांकडे सादर केले आहेत. हा गुन्हा रद्द होईल आणि भागीरथला जामीन मिळेल, असे वकिलांचे मत होते आणि याच कारणामुळे पोलिसांसमोर हजर होण्यास उशीर झाल्याचे त्यांनी नमूद केले.