मेलबर्न : पंतप्रधान नरेंद्र मोदी आणि ऑस्ट्रेलियाचे पंतप्रधान ॲन्थनी अल्बानीज यांच्यात युरेनियम करारासह अनेक मोठे करार करण्यात आले असून त्यानुसार आता ऑस्ट्रेलियन युरेनियम भारतातील अणू प्रकल्पांना ऊर्जा पुरविण्यात येणार आहे.
२०४७ पर्यंत १०० गिगावॉट अणू ऊर्जेचे उद्दिष्ट गाठण्याच्या भारताच्या संकल्पनेला यामुळे मोठी गती मिळणार आहे. गुरुवारी दोन्ही देशांमध्ये स्वाक्षरी झालेल्या १८ करारांपैकी हा एक अत्यंत महत्त्वपूर्ण करार मानला जात आहे.
अँथनी अल्बानीज यांच्यासोबत झालेल्या महत्त्वपूर्ण चर्चेचे फलित सांगताना पंतप्रधान नरेंद्र मोदी यांनी, "या बैठकीत टी-२० क्रिकेटच्या वेगाने निर्णय घेण्यात आले आहेत," अशा शब्दांत आनंद व्यक्त केला आहे.