मधूमेहाच्या रुग्णांना किंवा अन्य कारणास्तव डॉक्टर साखर आहारातून कमी करण्याचा सल्ला देतात. बाजारात मिळणारी साखर ही रिफाईंड साखर असते. जी आरोग्याला फारशी लाभदायक नसते. साखर वर्ज्य करायचीय आणि गोडपण खायचय मग साखरेला हे नैसर्गिक पर्याय वापरा. मध - हे सर्वोत्तम नैसर्गिक पर्याय आहे. कारण हे गोडवा तर देतोच मात्र ते अनेक आजारांवर औषधी आहे. मॅपल सिरप हा देखील साखरेसाठी एक नैसर्गिक पर्याय आहे. थंड प्रदेशांमध्ये मॅपलच्या झाडांंपासून यातील घटक वेगळे करून हे सिरप तयार करण्यात येते. जे गोड असते सोबतच यात भरपूर खनिजेही असतात. Coconut Sugar - नारळापासून बनवलेली साखर ही मधुमेहाच्या रुग्णांना एका ठाराविक प्रमाणात आहारात समावेश करता येऊ शकते. कारण ही थेट नारळाच्या कळीच्या देठातील अमृत काढणीपासून तयार केली जाते. रिफाईंड साखरेप्रमाणे यामध्ये हानिकारक घटक नसतात. सेंद्रिय पद्धतीने तयार केलेला गुळ हा साखरेला केव्हाही उत्तम पर्याय आहे. आरोग्यदायी गुळाचे मोठे वर्णन आयुर्वेदात सापडते. त्यामुळे साखरेला गुळ हा सर्वोत्तम पर्याय ठरतो.Stevia Sugar - स्टीव्हिया वनस्पतीपासून तयार केली जाते. हे शून्य-कॅलरी असलेले स्वीटनर आहे. जे खूप जास्त गोड असते. Date Sugar : खजुरापासून तयार केलेली साखरेला खजूर साखर म्हणतात. जी कुटलेल्या आणि वाळलेल्या खजूरांपासून बनवली जाते. ही साखर अँटिऑक्सिडंट्स आणि फायबरसह एक निरोगी आणि पौष्टिकतेने समृद्ध आहे.
(Disclaimer: या लेखातील मुद्दे आम्ही केवळ माहिती म्हणून वाचकांपर्यंत पोहोचवत आहोत. याद्वारे आम्ही कोणत्याही प्रकारचा दावा करत नाही. त्यामुळे तज्ज्ञांचा सल्ला घेणं आवश्यक आहे.)