नुकतेच भारतीय क्रिकेटपटू के. एल. राहुलचे लग्न झाले. त्यानंतर आणखी एका भारतीय क्रिकेटपटूने लग्नगाठ बांधली. तो म्हणजे भारतीय संघाचा अष्टपैलू खेळाडू अक्षर पटेल. (Axar Patel) अक्षर पटेलने गुरुवारी वडोदरा येथे प्रेयसी मेहा पटेलसोबत लग्न केले.
गेल्यावर्षी २० जानेवारीला त्यांचा साखरपुडा झाला होता. मेहा पटेल ही व्यवसायाने डायटीशियन आणि न्यूट्रिशनिस्ट आहे. तसेच, ती सोशल मीडियावरही सक्रिय असते. अगदी धुमधडाक्यात त्यांचा विवाह सोहळा पार पडला.
अक्षर पटेल आणि मेहा पटेलच्या लग्नामध्ये भारताचा माजी क्रिकेटपटू मोहम्मद कैफ, जयदेव उनाडकटसह अनेक क्रिकेटपटुंनी हजेरी लावली होती. वडोदरामध्ये पारंपारिक पद्धतीने दोघांचा लग्नसोहळा पार पडला. अक्षरच्या लग्नानंतर त्याच्या संगीत आणि वरातीचे काही व्हिडीओ सोशल मीडियावर व्हायरल झाले आहेत.