नवी दिल्ली : मुंबईचा वेगवान गोलंदाज तसेच अष्टपैलू क्रिकेटपटू सूर्यांश शेडगे याला न्यूझीलंड दौऱ्यासाठी भारतीय एकदिवसीय संघात प्रथमच संधी मिळण्याची दाट शक्यता आहे. ऑस्ट्रेलिया अ संघाविरुद्ध नुकत्याच झालेल्या अनधिकृत एकदिवसीय मालिकेतील प्रभावी कामगिरीमुळे त्याने निवड समितीचे लक्ष वेधून घेतले आहे.
अवघ्या २३ वर्षांच्या शेडगेने इंग्लंड दौऱ्यात भारताकडून तीन टी-२० आंतरराष्ट्रीय सामने खेळले आहेत. हॅमस्ट्रिंगच्या दुखापतीतून सावरल्यानंतर त्याने स्पर्धात्मक क्रिकेटमध्ये पुनरागमन केले. पुद्दुचेरी येथे ऑस्ट्रेलिया अ संघाविरुद्ध झालेल्या एकदिवसीय मालिकेत त्याने फलंदाजी आणि गोलंदाजी या दोन्ही विभागांत छाप पाडली. पहिल्या सामन्यात त्याने अचूक वेगवान गोलंदाजीच्या जोरावर चार बळी घेतले होते.