बॉलिवूड अभिनेता शाहरुख खानचा बहुचर्चित चित्रपट 'पठाण' 2023 मध्ये प्रदर्शित होणार आहे. या चित्रपटातून शाहरुख खान तब्बल 4 वर्षांनी मोठ्या पडद्यावर पुनरागमन करत आहे. चित्रपटाचे पहिले गाणे रिलीज झाले असून या गाण्याने सोशल मीडियावर धुमाकूळ घातला आहे. शाहरुख खान आणि दीपिकाच्या 'पठाण' चित्रपटातील 'बेशरम रंग' हे पहिले गाणे रिलीज झाले आहे. एकीकडे या गाण्यात शाहरुख खानचा डॅशिंग लूक पाहायला मिळत आहे. दुसरीकडे, दीपिका पदुकोण पहिल्यांदाच इतक्या बोल्ड अवतारात दिसली असून या गाण्याची सोशल मीडियावर जोरदार चर्चा होत आहे.
त्याआधी या गाण्यातील दीपिकाचा बिकिनी लूकही चर्चेत होता. आता हे गाणे रिलीज झाल्यानंतर प्रेक्षकांच्या पसंतीस उतरले आहे, पण यासोबतच नेटिझन्सनेही या गाण्याला ट्रोल करण्यास सुरुवात केली आहे, रेडिट वेबसाइटवर अनेकांनी या गाण्याच्या चित्रीकरणाची खिल्ली उडवली आणि त्याची तुलना चित्रपटातील 'घुंगरू' या गाण्याशी केली. शाहरुखच्या बॉडीवर ज्या पद्धतीने काम करण्यात आले आहे ते खूप खोटे वाटत असल्याचा दावा नेटिझन्सनी केला आहे. दोन्ही चित्रपट सिद्धार्थ आनंदने दिग्दर्शित केल्यामुळे प्रेक्षकांनी गाणी, कपडे आणि लूक यातील साम्य ओळखले आहे. इतर गोष्टींशिवाय दीपिकाचा अतिशय हॉट आणि बोल्ड अंदाज लोकांना चांगलाच आवडला आहे. हा चित्रपट 2023 मध्ये प्रजासत्ताक दिनानिमित्त प्रदर्शित होणार आहे. या चित्रपटात शाहरुख व्यतिरिक्त जॉन अब्राहम आणि दीपिका पदुकोण यांच्याही प्रमुख भूमिका आहेत. यशराज बॅनर्सने या चित्रपटाची निर्मिती केली आहे
