५८ वे राज्य मराठी चित्रपट पुरस्कार: लता मंगेशकर पुरस्काराने अनुराधा पौडवाल सन्मानित; बघा विजेत्यांची संपूर्ण यादी

Maharashtra State Marathi Film Awards: मराठी चित्रपटसृष्टीसाठी अत्यंत महत्त्वाचे आणि मानाचे राज्य शासनाचे महाराष्ट्र राज्य मराठी चित्रपट पुरस्कार हे राज्यातील १३ कोटी जनतेचे प्रतिनिधी म्हणून राज्य शासनामार्फत दिले जातात.

Published on:

23 Aug 2024, 4:38 am

मुंबई : गानसम्राज्ञी लता मंगेशकर पुरस्कार २०२४ प्रख्यात गायिका अनुराधा पौडवाल यांना, तर प्रख्यात अभिनेत्री रोहिणी हट्टंगडी यांना चित्रपटांसाठी राज्य सांस्कृतिक पुरस्कार २०२४ आणि कंठ संगीतासाठी प्रख्यात गायक सुदेश भोसले यांना प्रदान करून सन्मानित करण्यात आले. चित्रपती व्ही. शांताराम जीवनगौरव पुरस्कार २०२३ शिवाजी साटम यांना, चित्रपती व्ही. शांताराम विशेष योगदान पुरस्कार २०२३ दिग्पाल लांजेकर यांना प्रदान करण्यात आला.

मराठी चित्रपटसृष्टीसाठी अत्यंत महत्त्वाचे आणि मानाचे राज्य शासनाचे महाराष्ट्र राज्य मराठी चित्रपट पुरस्कार हे राज्यातील १३ कोटी जनतेचे प्रतिनिधी म्हणून राज्य शासनामार्फत दिले जातात. हे पुरस्कार अनमोल असल्याचे प्रतिपादन सांस्कृतिक कार्य मंत्री सुधीर मुनगंटीवार यांनी केले. वरळी येथील एनएससीआय डोम येथे झालेल्या दिमाखदार सोहळ्यात या पुरस्कारांचे वितरण करण्यात आले. यावेळी सांस्कृतिक कार्य विभागाचे अपर मुख्य सचिव विकास खारगे, महाराष्ट्र चित्रपट, रंगभूमी व सांस्कृतिक विकास महामंडळाच्या व्यवस्थापकीय संचालक स्वाती म्हसे-पाटील, सांस्कृतिक कार्य संचालनालयाचे संचालक विभीषण चवरे यांच्यासह चित्रपट क्षेत्रातील दिग्गज मान्यवर उपस्थित होते.

स्व. राज कपूर जीवनगौरव पुरस्कार २०२३ चा आशा पारेख यांना, तर स्व.राज कपूर विशेष योगदान पुरस्कार २०२३ एन. चंद्रा यांना प्रदान करण्यात आला.

५९ वे राज्य चित्रपट पुरस्कार