महाराष्ट्र नवनिर्माण सेनेचे अध्यक्ष आणि लाखो तरुणांच्या गळ्यातले ताईत असणारे राज ठाकरे यांचा आज (१४ जून) ला वाढदिवस. मनसेच्या सर्वच कार्यकर्त्यांसाठी आजचा दिवस राज ठाकरेंना भेटण्यासाठी एक असते. हजारोंच्या संख्येने आज कार्यकर्ते राज यांच्या निवासस्थानी म्हणजेच शिवतीर्थावर जमा झाले आहेत. एवढेच नाही तर काही मराठी कलाकारांनी राज ठाकरे यांच्या वाढदिवसानिमित्त खास पोस्टही शेअर केली आहे. अभिनेत्री प्राजक्ता माळी हिने देखील राज ठाकरेंना वाढदिवसाच्या अनोख्या पद्धतीने शुभेच्छा दिल्या.
प्राजक्ताने राज ठाकरेंसोबतचे काही फोटो सोशल मीडियाच्या माध्यमातून शेअर केले आहेत. या फोटोंमध्ये ती राज ठाकरेंना पुष्पगुच्छ देताना दिसत आहे. राज ठाकरेही हसतमुखाने हा पुष्पगुच्छ स्वीकारताना दिसत आहेत. प्राजक्ताने या फोटोंसोबत एक छान कॅप्शनही लिहिले आहे.
काय आहे कॅप्शन ?
तिने या पोस्ट मध्ये म्हटले आहे की, साहेबांना आभाळभर शुभेच्छा... येणारी सर्वच वर्ष सर्वोत्कृष्ट ठरो असे तिने सांगत एक छान फोटो पोस्ट केला आहे.
