‘सुंदरा मनामध्ये भरली’ मालिकेतली ही अभिनेत्री होणार आई

‘आई कुठे काय करते’, ‘सुंदरा मनामध्ये भरली’ यांसारख्या लोकप्रिय मालिकांमधून घराघरात पोहोचलेलं नाव म्हणजे राधा सागर. 'सुंदरा मनामध्ये भरली' या मालिकेत तिने अभिलाषा ही भूमिका साकारली होती. याशिवाय तिने अनेक मालिकेत आणि चित्रपटांमध्ये छोट्या मोठ्या भूमिका साकारल्या आहेत. या अभिनेत्रीनं चाहत्यांना गुड न्यूज दिली आहे.राधाने तिच्या वाढदिवसाला एक खास व्हिडिओ सोशल मीडियावर शेअर केला आहे.

राधा सागर लवकरच आई होणार आहे, प्रेग्नंसी घोषित करणारा एक म्युजिकल व्हिडिओ तिने शेअर केला आहे.

राधाने तिचा पती सागर याच्याबरोबर गरोदरपणात खास फोटोशूट केलं. शिवाय सुंदर व्हिडीओही शूट केला. हाच व्हिडीओ तिने इन्स्टाग्रामद्वारे शेअर केला आहे. या व्हिडीओमध्ये ती अगदी आनंदी दिसत आहे. तसेच वेस्टर्न कपडे परिधान करुन तिने छान फोटोशूट केलं आहे. राधा सागरचे चाहते तिला शुभेच्छा देत आहेत.