नवी दिल्ली : भारताचे राष्ट्रीय सुरक्षा सल्लागार अजित डोवल यांनी अमेरिकेचे राष्ट्रीय सुरक्षा सल्लागार जॅक सुलेवान यांच्याशी चर्चा केली.
सुलेवान हे १७ व १८ जून दरम्यान भारत दौऱ्यावर आले आहेत. मोदी तिसऱ्यांदा सत्तेवर आल्यानंतर अमेरिकेच्या ज्यो बायडेन प्रशासनाचे वरिष्ठ अधिकाऱ्याचा हा भारताचा पहिलाच दौरा आहे.
या भेटीत डोवल व सुलेवान यांनी भारत आणि अमेरिकेतील महत्वपूर्ण तंत्रज्ञान, द्विपक्षीय संरक्षण संबंध, क्षेत्रीय सुरक्षितता आदींवर चर्चा केली. या दोघांनी भारत-मध्य पूर्व-युरोप मार्गिकेबाबत विचार केला.
सुलेवान यांच्यासोबत अमेरिकेचे वरिष्ठ अधिकाऱ्यांचे शिष्टमंडळ व उद्योगपती यांचे शिष्टमंडळ आले आहे.
