न्यूयॉर्क : अमेरिकेचे माजी अध्यक्ष डोनाल्ड ट्रम्प रविवारी फ्लोरिडा येथे एका क्लबमध्ये गोल्फ खेळत असताना बाहेर गोळीबाराची घटना घडली.
मात्र ट्रम्प यांना यामध्ये कोणतीही इजा झाली नाही. या हल्ल्यानंतर ट्रम्प यांच्या हत्येचा पुन्हा एकदा प्रयत्न झाल्याची चर्चा राजकीय वर्तुळात सुरू झाली आहे.
क्लबबाहेर गोळीबार झाल्याने ट्रम्प यांच्या सुरक्षेचा प्रश्न पुन्हा एकदा ऐरणीवर आला आहे. हल्ल्यानंतर ट्रम्प यांनी स्वतः आपण सुरक्षित असल्याचे म्हटले आहे. हल्लेखोराला अटक करण्यात आली असून त्याने हल्ला करण्यामागील कारणांचा एफबीआय शोध घेत आहे.
