बिटकॉइनसह सर्व क्रिप्टोकरन्सी जीएसटीच्या कक्षेत आणण्याची तयारी सुरु

क्रिप्टोकरन्सीतील गुंतवणूकदारांना बसणार मोठा दणका बसणार
 बिटकॉइनसह सर्व क्रिप्टोकरन्सी जीएसटीच्या कक्षेत आणण्याची तयारी सुरु

देशाचा अर्थसंकल्प मांडताना अर्थमंत्री निर्मला सीतारामन यांनी क्रिप्टोकरन्सीवर ३० टक्के कर आणि टीडीएस लागूर करण्याची घोषणा करत गुंतवणूकदारांना धक्का दिला होता. तर आता बिटकॉइनसह सर्व क्रिप्टोकरन्सी जीएसटीच्या कक्षेत आणण्याची तयारी सुरु आहे आणि जीएसटी परिषद या डिजिटल चलनांवर २८ टक्के दराने कर लावण्याचा विचार करत आहे.

कॅसिनो-लॉटरी समतुल्य जीएसटी

एका अहवालात म्हटले आहे की, देशातील क्रिप्टोकरन्सी गुंतवणूकदारांना आणखी एका समस्येचा सामना करावा लागू शकतो. ३० टक्के करानंतर आता वस्तू आणि सेवा कर (जीएसटी) कौन्सिल क्रिप्टोकरन्सीवरही मोठा कर लावण्याच्या तयारीत आहे. क्रिप्टोकरन्सीमधील गुंतवणूक म्हणजे कॅसिनो, सट्टेबाजी आणि लॉटरीशी समतुल्य असल्याने त्यांच्यावर आकारल्या जाणाऱ्या सध्याच्या जीएसटीच्या बरोबरीचा जीएसटी आकारला जाणार आहे. अहवालानुसार, सध्या जीएसटी कौन्सिलच्या पुढील बैठकीची तारीख ठरलेली नाही. परंतु, हा ठराव बैठकीत मंजूर झाल्यास विक्री आणि खरेदी तसेच क्रिप्टोसारख्या सेवांवर २८ टक्के जीएसटी आकारला जाण्याची शक्यता आहे.

आधीच लागू असलेला कर वगळता

हा २८ टक्के जीएसटी क्रिप्टोकरन्सीच्या व्यवहारातून मिळणाऱ्या उत्पन्नावर आधीपासून आकारलेल्या ३० टक्के कराच्या व्यतिरिक्त असेल. केंद्रीय अर्थमंत्री निर्मला सीतारामन यांनी फेब्रुवारीमध्ये केंद्रीय अर्थसंकल्प २०२२-२३ दरम्यान व्यवहारांवर एक टक्के दराने टीडीएसच्या नियमासह या व्यवहारांमधून मिळणाऱ्या उत्पन्नावर ३० टक्के कर लागू करण्याची घोषणा केली होती. हा नियम १ एप्रिल २०२२ पासून लागू करण्यात आला आहे.

Related Stories

No stories found.