दमास्कस : अमेरिकन लष्कराने ‘इसिस’चा प्रमुख नेता उसामाह अल-मुहाजिर याला ड्रोन हल्ल्यात ठार केले आहे, अशी माहिती अमेरिकन लष्कराने दिली आहे.
सीरियाच्या पूर्व भागात लक्ष्य करून मुहाजिरला ठार केले. शुक्रवारी ‘एमक्यू-९’ ड्रोनचा वापर करून हा हल्ला केला. दोन तास चाललेल्या या घटनेत ड्रोनला रशियन विमानाचा हस्तक्षेपाचा सामना करावा लागला. त्यानंतर ड्रोनने आपले लक्ष्य भेदले. दरम्यान, अमेरिकन हवाई दलाने सीरियात सक्रिय असलेल्या रशियन हवाई दलाच्या कारवाईचा निषेध केला. रशियन हवाई दलाचे वर्तन हे अव्यावसायिक व असुरक्षित आहे. हवाई दलाच्या कमांडर लेफ्टनंट जनरल एलेक्स ग्रीनकेविच म्हणाले की, रशियन वैमानिकांनी जाणुनबुजून आपले विमान ड्रोनच्या समोर तैनात केले. त्याच्या संचलनात जाणूनबुजून बाधा आणली.
