वॉशिंग्टन : भविष्यात आपण कधीही अणुबॉम्ब बनवणार नाही, असे इराणने जाहीर केल्यास होर्मुझमधून अमेरिकन नौदलाची नाकेबंदी उठवण्यात येईल, अशी घोषणा अमेरिकेचे अध्यक्ष डोनाल्ड ट्रम्प यांनी केली. राष्ट्राध्यक्ष ट्रम्प यांनी ट्रुथ सोशलवर पोस्ट केली आहे.
ते म्हणाले की, ‘इराणला या गोष्टीवर सहमत व्हावे लागेल की ते कधीही अण्वस्त्रे किंवा बॉम्ब बनवणार नाहीत. तसेच कोणत्याही शुल्काशिवाय होर्मुझची सामुद्रधुनी त्वरित उघडली जावी. त्यामुळे जहाजांची ये-जा सहजपणे येऊ शकेल. ‘होर्मुझ’मधील सर्व सागरी सुरुंग, जर काही शिल्लक असतील, तर ते नष्ट केले जातील. आम्ही आमच्या अत्याधुनिक अंडरवॉटर माइन स्वीपर्सच्या माध्यमातून असे अनेक सुरुंग स्फोट घडवून हटवले आहेत. इराण त्वरित उर्वरित सुरुंग हटवेल आणि/किंवा स्फोट करून नष्ट करेल, जे खूप कमी संख्येत असतील.’
अमेरिकेचे राष्ट्राध्यक्ष डोनाल्ड ट्रम्प म्हणाले, ‘आमच्या अभूतपूर्व नौदल नाकेबंदीमुळे, जी आता हटवली जात आहे, होर्मुझमध्ये अडकलेली जहाजे आता घरी परतण्याची तयारी सुरू करू शकतात.
