चवीला अतिशय रुचकर लागणारे रताळे ही एक आयुर्वेदिक वनस्पती देखील आहे. काही लोकांना तर रताळ्याचं नाव ऐकताच अनेकांच्या तोंडाला पाणी सुटतं. तर रताळे खाल्ल्याने शरीराला अनेक फायदे होतात. रताळ्यामध्ये आरोग्याचा खजिना असतो. गोडसर चव आणि मलाईदार गर असं रताळं नारंगी, तपकिरी आणि जांभळ्या रंगांचं असतचं. उकडलेलं रताळं खाणं आरोग्यासाठी खूप लाभदायक आहे. नियमितपणे उकडलेलं रताळं खाल्ल्यास आरोग्यासाठी भरपूर फायदे होतात.
रताळ्यामध्ये व्हिटॅमिन ए, व्हिटॅमिन सी, पोटॅशियम आणि फायबर यासारखे पोषक तत्व मुबलक प्रमाणात मिळतात. रताळं पोषक तत्वांनी समृद्ध असते. रताळ्याचं सेवन केल्याने आरोग्यासाठी खूप फायदा मिळतो.
रताळ्याचं सेवन केल्याने पचन व्यवस्थित होतं. रताळ्यामध्ये मुबलक प्रमाणात फायबर असते, ज्यामुळे आतड्यांच्या हालचालींचे नियमन करणं सोपे होतं आणि पचनक्रिया सुधारण्यास मदत होते. रताळ्याच्या सेवनाने बद्धकोष्ठता आणि गॅससारख्या पोटाच्या समस्यांपासूनही आराम मिळतो.
शरीर निरोगी ठेवण्यासाठी मजबूत प्रतिकारशक्ती असणं अत्यंत आवश्यक आहे. रताळ्यामध्ये व्हिटॅमिन ए आणि व्हिटॅमिन सी ही पोषक तत्वे भरपूर प्रमाणात आढळतात. त्यामुळे जर तुम्ही नियमितपणे रताळे खाल्ले तर सर्दी, खोकला, फ्लू आणि इतर विषाणूजन्य आजारांचा धोका कमी होईल.
रताळं हृदयाचं आरोग्य सुधाण्याचे काम करतं. हृदयासंबंधित आजार दूर ठेवण्यासाठी रताळ्यांचं सेवन केलं जातं. रताळ्यामध्ये पोटॅशियम मुबलक प्रमाणात असते, ज्यामुळे रक्तदाब नियंत्रित ठेवण्यास मदत होते, त्यामूळे हृदयविकाराचा धोका कमी होतो.
रताळं कमी उष्मांक आणि उच्च फायबरयुक्त आहे. यामुळे तुमचे पोट बराच काळ भरलेलं राहतं, ज्यामुळे तुम्हाला जास्त खाण्याच्या सवयीपासून दूर करते आणि यामुळे हळूहळू वजन कमी होण्यास मदत होते.
