वजन कमी करण्यासाठी किंवा वजन वाढू नये ते आहे तितकेच राहावे यासाठी अनेक जण वेगवेगळ्या प्रकारचे प्रयत्न करतात. मात्र, सुटलेले पोट काही केल्या कमी होत नाही. ज्यांचं पोट सुटलंय त्यांच्यासाठी सुटलेलं पोट हा खूप मोठा चिंतेचा विषय असतो. तसेच यामुळे त्यांना अनेक प्रकारच्या मानसिक त्रास देखील होतो. शिवाय चिडचिडेपणा ही निर्माण होतो. तुमची सुद्धा पोट सुटल्यामुळे चिडचिड होत असेल तर काळजी करू नका. इथे तुम्हाला काही टिप्स दिल्या आहेत. पुढील पदार्थ आहारातून टाळा आणि फरक पाहा फक्त पोट सपाट होणार नाही तर फिगरही आकर्षक दिसेल. (Weight Loss Tips)
आहार (Weight Loss Tips)
निरोगी शरीर आणि उत्तम फिटनेस यासाठी कमी कॅलरीयुक्त पदार्थ खायला हवे. यामुळे वजन झटपट कमी होते. जाणून घ्या आहारात कोणते पदार्थ टाळावेत.
तळलेले आणि प्रक्रिया केलेले पदार्थ
समोसे, कचोरी, पकोडे, फ्रेंच फ्राईज आणि चिप्स यांसारखे तळलेले स्नॅक्स कॅलरीजमध्ये जास्त असतात आणि ते अस्वास्थ्यकर चरबीने भरलेले असतात. हे केवळ वजन वाढवत नाहीत तर पचनक्रिया देखील मंदावतात. त्यामुळे असे पदार्थ आहारातून कमी करणे महत्त्वाचे आहे.
जास्त मीठ असलेले अन्न (Weight Loss Tips)
लोणचे, चिप्स, नमकीन आणि प्रक्रिया केलेल्या पदार्थांमध्ये सोडियमचे प्रमाण जास्त असते. यामुळे शरिरात पाणी साचून राहते आणि वजन कमी करण्यात समस्या निर्माण होतात.
साखरयुक्त पेये आणि पॅकेज केलेले रस
कोल्ड्रिंक्स, एनर्जी ड्रिंक्स आणि पॅकेज्ड ज्यूसमध्ये साखर आणि कॅलरीज जास्त असतात, ज्यामुळे वजन कमी करणे कठीण होऊ शकते. याऐवजी नारळ पाणी, लिंबू पाणी किंवा ग्रीन टी पिणे फायदेशीर ठरेल.
जास्त चरबीयुक्त दुग्धजन्य पदार्थ
पनीर, चीज, बटर आणि फुल-क्रीम दूध यांसारख्या दुग्धजन्य पदार्थांमध्ये संतृप्त चरबीचे प्रमाण जास्त असते. यांचे आहारातील प्रमाण जास्त असेल तर वजन वाढू शकते. त्याऐवजी कमी चरबीयुक्त दही, स्किम्ड मिल्क किंवा टोफू वापरा. तसेच शरिराला पोषण मिळेल एवढ्या प्रमाणात दूध घ्यावे.
परिष्कृत कार्ब असलेले अन्न
पांढरा भात, मैदा रोटी, ब्रेड, नूडल्स आणि पास्ता यांसारखे रिफाइंड कार्बोहायड्रेट पदार्थांमुळे रक्तातील साखरेची पातळी लवकर वाढते आणि भूक लागते. याऐवजी, तपकिरी तांदूळ, बाजरी किंवा मल्टीग्रेन पिठापासून बनवलेली रोटी खाणे हा एक चांगला पर्याय आहे.
लाल मांस आणि प्रक्रिया केलेले मांस
नॉनव्हेज बर्गर, सॉसेज, बेकन आणि रेड मीटमध्ये सॅच्युरेटेड फॅट आणि सोडियमचे प्रमाण जास्त असते. यामुळे लठ्ठपणा आणि हृदयरोग होऊ शकतो. शरिराला आवश्यक प्रथिनांसाठी मासे, चिकन हे चांगले पर्याय आहेत.
(Disclaimer: या लेखातील मुद्दे आम्ही केवळ माहिती म्हणून वाचकांपर्यंत पोहोचवत आहोत. याद्वारे आम्ही कोणत्याही प्रकारचा दावा करत नाही. त्यामुळे तज्ज्ञांचा सल्ला घेणं आवश्यक आहे.)
