निरोगी राहायचे असेल तर दररोज काही मिनिटे तरी चाला !

बदलती जीवनशैली आणि वाढत्या आजार यांमधून स्वत:ला निरोगी ठेवण्यासाठी शरीराची काळजी घेणं अत्यंत महत्त्वाच आहे. ऑफिस असो, गाडी असो किंवा घर असो, येेथे आपला बराच वेळ हा बसण्यातच जातो. यामुळे वजन वाढण्याचा धोका तर असतोच शिवाय स्मृतिभ्रंश आणि हृदयविकार यांसारखे अनेक धोकादायक आजारही होऊ शकतात. त्यामुळे शारीरिक हालचाली होणं खूप महत्त्वाच्या आहेत. तुम्हाला शारीरीक दृष्ट्या तंदरूस्त व्हायचे असेल तर दररोज चालायला हवं. चालणे तुमच्या आरोग्याला चांगले ठेवण्यासाठी खूप उपयुक्त ठरू शकते. दररोज चालण्याचे काय फायदे होतात ते जाणून घेऊया.

मानसिक आरोग्यासाठी फायदेशीर

चालण्याने मेंदूला रक्तपुरवठा सुधारतो. यामुळे मेंदूच्या पेशींपर्यंत ऑक्सिजन योग्य प्रकारे पोहोचू शकतो आणि पेशी अधिक चांगले कार्य करू शकतात. याशिवाय चालण्याने एंडोर्फिन सोडतात, ज्यामुळे तणाव आणि चिंता कमी होण्यास मदत होते आणि मूड सुधारतो.

हृदयासाठी फायदेशीर

चालण्याने रक्ताभिसरण तर सुधारतेच पण उच्चरक्तदाबाची समस्याही कमी होते, ज्यामुळे हृदयविकार दूर राहण्यास मदत होते. याशिवाय, हृदयाच्या आरोग्यासाठी देखील हे खूप फायदेशीर आहे. चालणे हा एक प्रकारचा एरोबिक व्यायाम आहे, जो हृदय निरोगी ठेवण्यास उपयुक्त आहे.

वजन कमी करण्यास उपयुक्त

वजन वाढण्याची समस्या मुख्यतः निष्क्रिय जीवनशैलीमुळे उद्भवते, परंतु चालण्यामुळे कॅलरी बर्न होतात, ज्यामुळे अतिरिक्त चरबी साठवली जात नाही आणि वजन वाढत नाही. तसेच तुमचे वजन जास्त असेल तर ते कमी करण्यात खूप मदत होऊ शकते.

रोगप्रतिकार शक्ती मजबूत होते

व्यायामामुळे रोगप्रतिकारक शक्ती मजबूत होते. चालणे हा एरोबिक व्यायाम आहे, जो रोगप्रतिकारक शक्ती मजबूत करण्यास मदत करतो.

चांगली झोप

चालण्यामुळे तुमचा ताण कमी होतो आणि पचनक्रिया सुधारते, ज्यामुळे तुम्हाला रात्री चांगली झोप येते आणि सकाळी ताजेतवाने वाटते.

स्नायू आणि हाडे मजबूत होतात

चालताना, आपले सांधे आणि स्नायू सक्रिय राहतात, ज्यामुळे त्यांची शक्ती वाढते आणि ते अधिक चांगले काम करू शकतात. यामुळे सांध्यांवर जास्त ताण पडत नाही आणि ते सक्रियही राहतात, ज्यामुळे सांधेदुखीची समस्या कमी होते. शिवाय, ते पवित्रा देखील सुधारते.

Note : या लेखात दिली गेलेली माहिती प्राथमिक आहे. ही माहिती वैद्यकीय सल्ल्याचा पर्याय होऊ शकत नाही. याचे व्यक्तिनुसार भिन्न परिणामही होऊ शकतात. या माहितीचा उपयोग करण्यापूर्वी आपण डॉक्टरांकडून खात्री करून घ्यावी.