त्वचेचे आरोग्य टिकवण्यासाठी सनस्क्रीनचा वापर अत्यंत महत्त्वाचा आहे. सूर्याच्या हानिकारक किरणांपासून (यूव्ही किरणे) त्वचेचे संरक्षण करण्यासाठी योग्य सनस्क्रीनची निवड आवश्यक आहे. चुकीची सनस्क्रीन वापरल्यास त्वचेवर विपरीत परिणाम होऊ शकतात. सनस्क्रीन खरेदी करताना खालील पाच गोष्टींची विशेषतः काळजी घ्यावी:
१. ब्रॉड-स्पेक्ट्रम संरक्षण: ब्रॉड-स्पेक्ट्रम असलेले सनस्क्रीन निवडा, ज्याद्वारे UVA आणि UVB दोन्ही किरणांपासून संरक्षण होते. UVA किरणे त्वचेच्या आत खोलवर प्रवेश करून वेळेपूर्वी वृद्धत्व आणू शकतात, तर UVB किरणे सनबर्नसाठी कारणीभूत ठरतात.
२. योग्य SPF निवड: UVB किरणांपासून बचावासाठी किमान SPF ३० असलेला सनस्क्रीन वापरा. उच्च SPF असलेल्या सनस्क्रीनमुळे जास्त संरक्षण मिळते, परंतु त्यासोबत त्वचेच्या प्रकारानुसार SPF निवडावा.
३. वॉटर-रेसिस्टंट फॉर्म्युला: पाण्यातील किंवा घाम येणाऱ्या क्रियाकलापांसाठी वॉटर-रेसिस्टंट सनस्क्रीन निवडा. यामुळे पोहणे किंवा व्यायाम वगैरे करताना सनस्क्रीन लवकर निघून जात नाही आणि त्वचेचे संरक्षण कायम राहते. अनेक सनस्क्रीन पूर्णपणे पाणी-प्रतिरोधक नसतात. त्यामुळे पाणी-प्रतिरोधक सनस्क्रीन खरेदी करताय की नाही याची खात्री करा. .
४. त्वचेच्या प्रकारानुसार सनस्क्रीन: आपल्या त्वचेच्या प्रकारानुसार (कोरडी, तेलकट, संमिश्र किंवा संवेदनशील) सनस्क्रीन निवडा. उदा., तेलकट त्वचेसाठी जेल-बेस्ड किंवा ऑइल-फ्री सनस्क्रीन उपयुक्त ठरू शकते.
५. घटकांची तपासणी: सनस्क्रीनमधील घटकांची यादी वाचा आणि आपल्या त्वचेसाठी हानिकारक असणारे रसायन (केमिकल) टाळा. तुम्हाला एलर्जी असलेल्या रसायनाचा वापर असलेले सनस्क्रीन वापरल्यास मोठी समस्या निर्माण होऊ शकते.
वरील बाबींची काळजी घेऊन सनस्क्रीनची निवड केल्यास त्वचेचे आरोग्य टिकवता येते आणि सूर्याच्या हानिकारक किरणांपासून संरक्षण मिळते.
(Disclaimer: या लेखातील मुद्दे आम्ही केवळ माहिती म्हणून वाचकांपर्यंत पोहोचवत आहोत. याद्वारे आम्ही कोणत्याही प्रकारचा दावा करत नाही. )
