चेहेऱ्यावर नैसर्गिक चमक मिळवायचीये? 'हा' रस प्या, काही दिवसातचं जाणवेल फरक

चेहेऱ्यावर नैसर्गिक चमक आणायची असेल तर शरीरासाठी पोषक असणाऱ्या फळांचा, पदार्थांचा आहारात समावेश करण्याचा सल्ला डॉक्टर देतात. नैसर्गिक पद्धतीने चेहेऱ्यावर आलेला ग्लो हा बऱ्याच काळापर्यंत टिकतो. तर पार्लरमध्ये जाऊन केलेल्या थेरपीपेक्षा नैसर्गिकपणे मिळवलेले सौंदर्य हे नेहमी खास असतं. त्यामुळे खाण्यापिण्याकडे आणि जीवनशैलीकडे विशेष लक्ष दिलं पाहिजे. अधिकाधिक फळे आणि भाज्या खा. नितळ आणि चमकणारी त्वचा मिळवण्यासाठी आहारात 'या' काही रसांचा आहारात समावेश करा. या रसाचे दररोज सेवन केल्याने चेहऱ्याला एक वेगळीच चमक येईल, तीही काही दिवसातच.

रस करण्यासाठी लागणारे साहित्य

½ कप बीटरूट, ½ कप गाजर, 1 सफरचंद, ½ इंच कच्ची हळद, 1 आवळा, 1 कप डाळिंब

असा रस बनवा

• बीटरूट, गाजर, सफरचंद, आवळा, हळद आणि डाळिंब ब्लेंडरमध्ये घालून थोडे पाणी घालून चांगले बारीक करा. जर तुम्हाला हवे असेल तर तुम्ही त्यात उकडलेले बीटरूट देखील वापरू शकता.

• चवीनुसार त्यात लिंबाचा रस घाला आणि आता गाळून घ्या.

• ते न गाळता पिणे अधिक फायदेशीर ठरेल कारण शरीराला ज्यूसमधून फायबर देखील मिळेल.

• वर पुदिन्याची पाने टाकून सर्व्ह करा.

या रसाचे फायदे

बीटरूट

बीटरूटमध्ये अनेक पोषणद्रव्ये आढळतात. यामध्ये असलेले फोलेट त्वचेच्या पेशी वाढवते. व्हिटॅमिन सी वृद्धत्वाचा प्रभाव कमी करते आणि सुरकुत्या दूर करते.

गाजर

गाजरात असलेले बीटा कॅरोटीन त्वचेचे अतिनील किरणांमुळे होणाऱ्या नुकसानापासून संरक्षण करते.

सफरचंद

सफरचंदमध्ये भरपूर प्रमाणात अँटीऑक्सिडंट असतात जे पेशी आणि ऊतींचे नुकसान टाळतात. ज्यूसमध्ये त्याचा समावेश केल्याने त्वचेमध्ये कोलेजन आणि इलास्टिन वाढतात, ज्यामुळे तुम्ही तरुण दिसू शकता. याशिवाय व्हिटॅमिन ए, बी कॉम्प्लेक्स आणि सी त्वचेचा पोत सुधारण्याचे काम करतात.

कच्ची हळद

हळदीमध्ये असलेले कर्क्यूमिन तत्व जळजळ कमी करते. याला त्वचेवर लावल्याने किंवा अन्नात समाविष्ट केल्याने मुरुमे आणि डागांची समस्या दूर होते.

आवळा

आवळा हा व्हिटॅमिन सीचा खजिना आहे. जे तुम्हाला म्हातारपणातही तरुण ठेवते. आवळा रक्त शुद्ध करतो त्यामुळे चेहऱ्यावर डाग आणि पिंपल्सची समस्या येत नाही. हे फ्री रॅडिकल्सपासून देखील संरक्षण करते.

डाळिंब

डाळिंबात पाण्याचे प्रमाण असते ज्यामुळे तुमचे शरीर हायड्रेट राहते. याशिवाय, ते अँटिऑक्सिडंट्सचा एक चांगला स्रोत देखील आहे, जे अतिनील किरणांमुळे होणारे हानिकारक आणि ऑक्सिडेटिव्ह तणाव दूर करण्यात मदत करते.