माळशेज घाटात रिक्षावर दरड कोसळून २ ठार, तीन जण जखमी

माळशेज घाटात रिक्षावर अचानक दरड कोसळून झालेल्या अपघातात दोन जण जागीच ठार झाले असून, ३ जण जखमी झाले आहेत.
माळशेज घाटात रिक्षावर दरड कोसळून २ ठार, तीन जण जखमी

कल्याण : माळशेज घाटात रिक्षावर अचानक दरड कोसळून झालेल्या अपघातात दोन जण जागीच ठार झाले असून, ३ जण जखमी झाले आहेत.

या अपघातात मुंबईत राहणारे राहुल भालेराव (३०) आणि स्वयंम भालेराव (७) या काका-पुतण्यांचा मृत्यू झाला आहे. भालेकर कुटुंब मंगळवारी रात्री मुलुंडहून चंदनापुरी संगमनेर या त्यांच्या मूळ गावी रिक्षाने जात असताना माळशेज घाटातील बोगद्याजवळ महादेवाच्या मंदिर परिसरात हा अपघात झाला. रात्री झालेल्या जोरदार पावसामुळे डोंगरावरील मलबा भालेकर कुटुंबीयांच्या रिक्षावर पडला. या अपघातात चालक राहुल भालेराव आणि त्यांचा सात वर्षांचा पुतण्या स्वयम भालेरावचा जागीच मृत्यू झाला. तर रिक्षातील अन्य तीन जण जखमी झाले आहेत. जखमींना जवळील रुग्णालयामध्ये उपचारासाठी दाखल करण्यात आले आहे.

logo
marathi.freepressjournal.in