मुंबई : नायजेरियातील मराठी भाषिक त्यांच्या संस्कृतीशी आणि मुळांशी एकरुप आहेत, अशा शब्दात पंतप्रधान नरेंद्र मोदी यांनी मराठी भाषिकांचे कौतुक केले आहे. मराठी भाषेला अभिजात भाषेचा दर्जा मिळाल्याबद्दल नायजेरियातील मराठी भाषिकांना आनंद झाल्याचेही पंतप्रधान म्हणाले.
सोशल मीडिया एक्सवरील एका पोस्टमधे मोदी यांनी याबाबत आपल्या भावना व्यक्त केल्या आहेत. मोदी म्हणाले की, मराठी भाषेला अभिजात भाषेचा दर्जा मिळाल्याबद्दल नायजेरियात मराठी भाषिकांनी आनंद व्यक्त केला. त्यांच्या संस्कृती आणि मुळांशी ते ज्या पद्धतीने जोडले गेले आहेत ते अतिशय कौतुकास्पद आहे.
पंतप्रधान तीन दिवसांच्या नायजेरिया दौऱ्यावर असून गेल्या १७ वर्षांमध्ये नायजेरियाला भेट देणारे ते पहिले भारतीय पंतप्रधान ठरले आहेत. ब्राझील आणि गुयानालाही ते भेट देणार आहेत.
