मुंबई : कर्नाटकात गणेशमूर्ती पोलीस व्हॅनमध्ये बंदीस्त केल्याचे फोटो आणि व्हिडीओ सोशल मीडियावर व्हायरल झाल्याचे पडसाद महाराष्ट्रातील राजकारणात उमटत आहेत.
मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्याकडून दिशाभूल करणारी माहिती पसरवून धार्मिक फूट पाडत असल्याचा आरोप काँग्रेस विधिमंडळ पक्षनेते बाळासाहेब थोरात यांनी रविवारी केला. गणेशमूर्ती पोलीस व्हॅनमध्ये बंदिस्त केल्याचे सोशल मीडियावर व्हायरल झाले होते. सध्या गणेशोत्सव सुरू असताना या व्हायरल फोटोचे पडसाद महाराष्ट्राच्या राजकारणात उमटताना दिसत आहेत. या व्हायरल फोटोंबाबत मुख्यमंत्री एकनाथ शिंदे यांनी काँग्रेसवर टीका केली.
