बीड : नामलगाव फाट्याजवळ धुळे-सोलापूर राष्ट्रीय महामार्गावर भरधाव कंटेनरने सहा जणांना चिरडले असून यात चार जणांचा जागीच मृत्यू झाला आहे. या अपघातामध्ये दोन जण गंभीर जखमी झाले आहेत. हे सर्व लोक देवदर्शनासाठी पायी निघाले होते. बीड जिल्ह्यातील नामलगाव फाट्याजवळ शनिवारी सकाळी साडेसात वाजताच्या सुमारास हा भीषण अपघात झाला. बीड ग्रामीण पोलिसांनी घटनास्थळी धाव घेऊन कंटेनर चालकाला ताब्यात घेतले आहे. जखमींना जिल्हा रुग्णालयात दाखल करण्यात आले असून पोलीस पुढील तपास करत आहेत. हे सर्व लोक बीड जिल्ह्यातील पेंडगाव येथे दर्शनासाठी पायी जात होते. त्याचवेळी हा अपघात झाला.
विशाल श्रीकिसन काकडे (रा. शेकटे, ता. शेवगाव, जि. अहमदनगर), अमोल नामदेव गरजे (रा. बोधेगाव, ता. शेवगाव), आकाश कोळसे, पवन जगताप, किशोर तोर (रा. बाबुलतरा, ता. गेवराई) ही मृतांची नावे आहेत. आणखी दोन जणांचा मृतांमध्ये समावेश झाला असून त्यांची ओळख नावे अद्याप पटलेली नाही.
