छत्रपती संभाजीनगर विमानतळ देशात अव्वल स्थानी; प्रवासी सेवेत चांगली कामगिरी

सुजित ताजणे/छत्रपती संभाजीनगर

छत्रपती संभाजीनगर विमानतळाने देशातील सर्व विमानतळांना मागे टाकत "पहिल्या स्थानी" विमानतळ म्हणून झेप घेतली आहे. भारतीय विमानतळ प्राधिकरण अंतर्गत देशभरातील विमानतळांवर जुलै ते डिसेंबर २०२५ या कालावधीत करण्यात आलेल्या ग्राहक समाधान सर्व्हे राऊंड २ मध्ये छत्रपती संभाजीनगर विमानतळाने पहिला क्रमांक मिळवला आहे. ४.९९ रेटिंग छत्रपती संभाजीनगर विमानतळाला मिळाले आहे.

एएआयकडून नियमितपणे हे सर्वेक्षण केले जाते. यंदाही ६२ विमानतळांचे मूल्यांकन करण्यात आले. त्यांना विविध निकषांच्या आधारे गुण देण्यात आले. खजुराहो, भोपाळ आणि छत्रपती संभाजीनगर विमानतळ यांना ५ पैकी ४.९९ रेटिंग मिळाले. हे तिन्ही विमानतळ पहिल्या स्थानी आहेत.

दिवसभरात १०० उड्डाणे घेण्याची क्षमता

छत्रपती संभाजीनगर विमानतळ २०२४ मध्ये ४.०७ रेटिंग घेऊन देशात १३व्या स्थानी होते. त्यानंतर जुलैमध्ये "टॉप-१०"मध्ये येत विमानतळाने देशात ८ वे स्थान मिळविले. आता छत्रपती संभाजीनगर विमानतळाने रेटिंगमध्ये सुधारणा करीत आठल्या स्थानावरून पहिल्या स्थानावर उढाण घेतले. असे असले तरी देवून दिवसभरात १०० उड्डाणे घेण्याच्या क्षमतेचा वापर होत नाही.

कोणत्या बाबीची पडताळणी?

विमानतळावरील प्रवाशांच्या अनुभवांच्या गुणवत्तेचे मूल्यांकन करण्यामाठी ग्राहक समाधान सर्वेक्षण करण्यात आले. विमानतळावरील सोयीसुविधांसह विविध पैलूंचे मूल्यांकन करण्यासाठी या सर्वेक्षणात प्रवाशांकडून थेट अभिप्राय घेण्यात आले. या सर्वेक्षणाचे उद्दिष्ट ३३ प्रमुख पॅरामीटर्सवर विमानतळात सुधारणा करणे आहे.