कोल्हापूर : फूड मॉल पार्किंगमध्ये उभ्या असलेल्या चारचाकी वाहनातून सोन्याचे दागिने, रोकड आणि घड्याळ चोरी करणाऱ्या आरोपीला शाहूपुरी पोलिसांनी अटक केली असून त्याच्याकडून तब्बल ७ लाख ९७ हजार रुपयांचा मुद्देमाल जप्त करण्यात आला आहे. विशेष म्हणजे, फिर्यादीसोबत प्रवास करणारा चालकच या चोरीमागे असल्याचे तपासात उघड झाले आहे.
अटक करण्यात आलेल्या आरोपीचे नाव मोहन आनंदराव आडागळे (६२) असे आहे. पोलिसांनी दिलेल्या माहितीनुसार, ताराबाई पार्क परिसरातील एका अपार्टमेंटमध्ये मुक्कामासाठी आलेल्या फिर्यादीच्या वाहनातून २५ मे रोजी अज्ञात व्यक्तीने सोन्याचे दागिने, रोकड आणि घड्याळ चोरी केले होते. याप्रकरणी शाहूपुरी पोलीस ठाण्यात गुन्हा दाखल करण्यात आला होता.
या धाग्यावरून पोलिसांनी त्याला ताब्यात घेऊन चौकशी केली असता त्याने चोरीची कबुली दिली. त्याच्याकडून तीन सोन्याच्या अंगठ्या (२० ग्रॅम), एक सोन्याची चेन (१० ग्रॅम), एक सोन्याचे ब्रेसलेट (२० ग्रॅम), दोन ग्रॅम वजनाचे सोन्याचे नाणे, स्कायम कंपनीचे घड्याळ आणि १२ हजार रुपयांची रोकड असा एकूण ७.९७लाख रुपयांचा मुद्देमाल जप्त करण्यात आला.
