![पुण्यात आयटीतील तरुणीची मित्राकडून हत्या](http://media.assettype.com/freepressjournal-marathi%2F2022-07%2Fb4db4604-e81c-40ef-9cbc-6301166ed34b%2Ffreepressjournal_2020_03_1bfc36ec_9c3c_4a22_be02_90844c8eee08_cats.webp?w=480&auto=format%2Ccompress&fit=max)
पुणे : पिंपरी-चिंचवडमधील हिंजवडी भागातील एका लॉजवर २६ वर्षीय तरुणीची तिच्या मित्राने गोळ्या झाडून हत्या केली. या संबंधात आरोपी ऋषभ निगम याला मुंबईतून अटक करण्यात आली आहे. रविवारी सकाळी पोलिसांना या घटनेची माहिती मिळाली. त्यानंतर चौकशी सुरू करून आरोपीला मुंबईतून अटक करण्यात आली. हत्येमागे काय हेतू आहे, ते स्पष्ट झाले नाही. प्राथमिक माहितीनुसार आरोपी व मृत तरुणी हे दोघेही उत्तर प्रदेशचे रहिवासी असून ते रिलेशनशिपमध्ये होते. मृत तरुणी हिंजवडी येथील एका आयटी फर्ममध्ये कामाला होता आणि आरोपी यूपीमध्ये राहत होता. आरोपी हा उत्तर प्रदेशातून आला होता आणि हिंजवडी येथील एका लॉजमध्ये राहत होता, तिथे त्याने या तरुणीला फोन केला. शनिवारी रात्री त्याने महिलेवर गोळी झाडली आणि तो पळून गेला. आम्हाला रविवारी सकाळी घटनेची माहिती मिळाली, असे उप. पोलीस आयुक्त बापू बांगर यांनी सांगितले. या व्यक्तीचा शोध घेऊन मुंबईत ताब्यात घेण्यात आले असून पुढील चौकशीसाठी त्याला पुण्यात आणण्यात येत असल्याचे त्यांनी सांगितले. यामागील हेतू अद्याप स्पष्ट झालेला नाही. हिंजवडी पोलीस ठाण्यात आयपीसीच्या संबंधित कलमांतर्गत गुन्हा दाखल करण्यात आला असून, पुढील तपास सुरू आहे.