बीड लोकसभा मतदारसंघासाठी मतमोजणीला सुरूवात झाली आहे. भाजपच्या पंकजा मुंडे आणि राष्ट्रवादी काँग्रेस शरद पवार गटाचे बजरंग सोनवणे यांच्यात चुरशीची लढत होत आहे. निवडणूक आयोगाच्या संकेतस्थळावरील ( दुपारी १.३० पर्यंतची मतमोजणी) आकडेवारीनुसार पंकजा मुंडे येथून पिछाडीवर आहेत.
दुपारी १.३० पर्यंतच्या मतमोजणीनुसार, बजरंग सोनवणे १,११,७८१ मतांसह २,०९७ मतांच्या फरकाने आघाडीवर आहेत. तर, पंकजा मुंडे १,०९,६८४ मतांसह दुसऱ्या क्रमांकावर आहेत. सकाळी ११.३० पर्यंतच्या मतमोजणीनुसारही बजरंग सोनवणे ५०,४०१ मते घेऊन ५,९४९ मतांच्या फरकाने आघाडीवर होते.
दुपारी १ वाजेपर्यंत महाराष्ट्रातील लोकसभेच्या ४८ जागा -
महाराष्ट्रातील लोकसभेच्या ४८ जागांपैकी - भाजप १३, शिंदे गट ५, ठाकरे गट ११, शरद पवार गट ७, काँग्रेस १०, अजित पवार गट १ आणि अपक्ष एका जागेवर पुढे आहेत.
सकाळी ११ वाजेपर्यंत महाराष्ट्रातील लोकसभेच्या ४८ जागा -
महाराष्ट्रातील लोकसभेच्या ४८ जागांपैकी - भाजप ११, शिंदे गट ६, ठाकरे गट ११, शरद पवार गट ८, काँग्रेस १० आणि अजित पवार गट एका जागेवर पुढे आहेत.
राज्यातील २८९ ठिकाणी ४,३०९ टेबलांवर मतमोजणी होत आहे. राज्यात १४,५०७ कर्मचारी मतमोजणीसाठी तैनात केले आहेत. प्रत्येक मतमोजणी केंद्रावर कडक सुरक्षा व्यवस्था ठेवण्यात आली आहे. महाराष्ट्रातील जनता काय कौल देते याकडे सत्ताधारी 'महायुती' व विरोधी 'महाआघाडी'चे लक्ष आहे.
