मुंबई : राज्यात कोरोनाबाधित रुग्णसंख्येमध्ये दिवसेंदिवस हळूहळू वाढ होत आहे. गुरुवारी ३३ नवीन कोरोना रुग्णांची नोंद झाली. यामध्ये मुंबईत सर्वाधिक २२ रुग्ण, पुण्यात ५, पिंपरी चिंचवड येथे दोन, ठाणे तीन, लातूर एक असे रुग्ण आढळून आले आहेत. यामुळे २१ मेपर्यंत मुंबईतील एकूण कोरोना रुग्णसंख्या १४८ वर पोहोचली आहे.
जानेवारी २०२५ पासून राज्यात एकूण ६,४७७ Covid चाचण्या करण्यात आल्या असून त्यापैकी १६५ रुग्णांचे अहवाल पॉझिटिव्ह आले आहेत. त्यात केवळ मुंबई विभागात एकूण १४८ रुग्ण सापडले आहेत. त्यापैकी आतापर्यंत ६१ रुग्ण पूर्णपणे बरे झाले आहेत. सध्या असलेल्या सक्रिय रुग्णांमध्ये सौम्य लक्षणे असल्याने ते घरीच उपचार घेत आहेत, अशी माहिती आरोग्य विभागाने दिली.
