मुंबई : काही पक्षांकडून वेगवेगळ्या जागांवर मतदारांच्या अनेक नोंदींबद्दलच्या दाव्यांच्या पार्श्वभूमीवर महाराष्ट्रातील निवडणूक अधिकाऱ्यांनी अशी नावे तात्पुरती चिन्हांकित करण्याचा आणि पुढील वेळी मतदान करणाऱ्या मतदारसंघाबद्दल संबंधित व्यक्तींकडून स्पष्टीकरण मागण्याचा निर्णय घेतला आहे.
अद्ययावत मतदार यादी नंतर बूथस्तरीय अधिकारी आणि राजकीय पक्षांच्या प्रतिनिधींसोबत शेअर केली जाईल, असे निवडणूक सांगितले. अधिकाऱ्यांनी शिवसेना (ठाकरे गट), काँग्रेस, राष्ट्रवादी काँग्रेस (शरद पवार) आणि महाराष्ट्र नवनिर्माण सेना (मनसे) यासह अनेक विरोधी पक्षांनी वेगवेगळ्या पत्त्यांवर आणि विधानसभा मतदारसंघांमध्ये मतदार यादीत दुहेरी नावे असल्याचा आरोप केल्याच्या तक्रारींनंतर हे पाऊल उचलण्यात आले आहे. ३१ जानेवारी २०२६ पर्यंत पूर्ण होणाऱ्या ग्रामीण आणि शहरी संस्थांच्या निवडणुकांपूर्वी मतदार यादीतील "दुरुस्ती” आणि "विसंगती" दूर करण्याचे आवाहन त्यांनी केले आहे.
चर्चेत सहभागी असलेल्या एका वरिष्ठ अधिकाऱ्याने सांगितले की, आम्ही राजकीय पक्षांच्या प्रतिनिधींना मतदार यादीत अनेक वेळा येणाऱ्या नावांची यादी शेअर करण्यास सांगितले आहे. काही प्रकरणांमध्ये, मतदाराचे नाव एकाच शहरातील एकापेक्षा जास्त ठिकाणी असू शकते, तर काही प्रकरणांमध्ये, ते शहरी आणि ग्रामीण भागात सूचीबद्ध असू शकते. आमचे क्षेत्रीय अधिकारी अशा पत्त्यांना भेट देतील, संबंधित मतदारांशी संपर्क साधतील आणि त्यांची माहिती पडताळतील.
त्यानंतर प्रत्येक मतदाराला (पुढील निवडणुकीत) त्यांचा मतदानाचा हक्क बजावायचा असेल असा एक मतदारसंघ निवडण्यास सांगितले जाईल, असे ते म्हणाले.
अधिकाऱ्याने सांगितले की, एकदा मतदाराने त्यांच्या पसंतीच्या मतदान केंद्राची पुष्टी केली, ओळख आणि संमती दिली की, इतर ठिकाणांवरील संबंधित नावे चिन्हांकित केली जातील.
विरोधी पक्षांनी दावा केला होता की, मतदारांच्या यादीत अनेक किंवा अपूर्ण नोंदी आहेत. यामुळे प्रश्नचिन्ह उपस्थित झाले आहे. एका निवडणूक अधिकाऱ्याने म्हटले की, मनसे वगळता, इतर कोणत्याही राजकीय पक्षाने त्यांना संशयास्पद वाटणाऱ्या मतदारांची तपशीलवार यादी दिलेली नाही. जर पक्षांनी विशिष्ट नावे किंवा अपूर्ण पत्ते शेअर केले तर आम्हाला पडताळणी करणे आणि सुधारणात्मक कारवाई करणे सोपे होईल, असे तपशील सादर केल्यानंतर कार्यालय कारवाई करेल.
चिन्हांकन म्हणजे...
मतदार फक्त निवडलेल्या मतदान केंद्रावरच मतदान करण्यास पात्र असेल, जरी त्यांचे नाव इतरत्र दिसले, तरी मतदारांचे हक्क अबाधित राहतील आणि नोंदी हटवल्या जाणार नाहीत.
