छत्रपती संभाजीनगर: मुख्यमंत्री देवेंद्र फडणवीस यांना सरकारने दुष्काळग्रस्त पाच हजार रुपयांची मनीऑर्डर शेतकऱ्यांसाठी जाहीर केलेली हंगामी आर्थिक मदत तुटपुंजी असल्याच्या निषेधार्थ सोयाबीन उत्पादक शेतकरी चांद शेख यांनी पाठवली आहे. धाराशिव तालुक्यातील सुरडी गावचे शेतकरी चाँद शेख यांनी दावा केला की, सोयाबीनच्या उत्पादनातून त्यांना केवळ ३९०० रुपये मिळाले. मुख्यमंत्र्यांना मनीऑर्डर पाठवण्यासाठी त्यांनी मित्राकडून एक हजार १०० रुपये उसने घेतले.
सुरडी येथील पोस्ट ऑफिसबाहेर पत्रकारांशी बोलताना शेख म्हणाले, 'मी माझ्या दीड एकर शेतात सोयाबीनची लागवड केली होती. त्यासाठी २५ हजार रुपये खर्च केले. मात्र, मला केवळ ६० किलो सोयाबीनचे उत्पादन मिळाले. त्यातून फक्त ३९०० रुपये मिळाले. मुख्यमंत्र्यांना मनीऑर्डर पाठवण्यासाठी मी मित्राकडून ११०० रुपये उसने घेतले.'दरम्यान, शेख यांचा मित्र असल्याचा दावा करणाऱ्या एका व्यक्तीने त्यांना ११०० रुपये उसने दिल्याचे सांगितले.
राज्यातील ८५ टक्क्यांहून अधिक तालुके दुष्काळग्रस्त घोषित झाल्यानंतर मुख्यमंत्री फडणवीस यांनी बुधवारी दिवाळीपूर्वी शेतकऱ्यांच्या बँक खात्यांत प्रत्येकी पाच हजार रुपयांची प्राथमिक मदत जमा करण्याची घोषणा केली होती.
प्रशासकीय पातळीवरील संपूर्ण मूल्यांकन आणि केंद्र सरकारकडून होणाऱ्या तपासणी प्रक्रियेला वेळ लागतो. त्यामुळे दिवाळीपूर्वी ही प्रक्रिया कायदेशीररीत्या पूर्ण होणे शक्य नसल्याने शेतकऱ्यांना तातडीचा दिलासा देण्यासाठी पाच हजार रुपये देण्याचा निर्णय घेतल्याचे फडणवीस यांनी सांगितले होते.
