मुंबई : राज्यातील नगर परिषद, नगर पंचायत समितीच्या नगराध्यक्षपदाची सोडत सोमवारी जाहीर करण्यात आली. नगरविकास विभागाकडून २४७ नगरपंचायती आणि नगरपरिषदेच्या १४७ जागांसाठी आरक्षण सोडत जाहीर झाली. त्यापैकी ३३ नगरपरिषदांपैकी १७ ठिकाणी अनुसूचित जाती महिला प्रवर्गासाठी राखीव ठेवण्यात आले आहे. तर नगरपंचायतीत सर्वसाधारण महिलांसाठी ३८, अनुसूचित जातीसाठी ९ तर अनुसूचित जमातीसाठी ७ जागा आणि मागास प्रवर्गासाठी २० जागा आरक्षित करण्यात आल्या आहेत. दरम्यान, बीड, शिर्डी, मोहोळ, भुसावळ, अकलूज आदी नगरपरिषद, नगरपंचायत समितीत महिलांसाठी राखीव जागा असल्याने राजकारणात महिलांच्या नेतृत्वात वाढ होईल, असा विश्वास राज्यमंत्री माधुरी मिसाळ यांनी व्यक्त केला. राज्यमंत्री माधुरी मिसाळ यांच्या अध्यक्षतेखाली मंत्रालयात आरक्षण सोडत पार पडली.
मुंबई, नवी मुंबई, ठाणे, कल्याण डोंबिवली महानगरपालिका आदींच्या निवडणुका गेल्या तीन ते चार वर्षांपासून रखडल्या आहेत. तर नगरपरिषद आणि नगरपंचायत समितीच्या निवडणुका चार ते पाच वर्षांपासून प्रलंबित आहेत. अखेर सर्वोच्च न्यायालयाने जानेवारी २०२६ पर्यंत स्थानिक स्वराज्य संस्थांच्या निवडणुका घ्या, असे आदेश दिले. त्यानंतर राज्य निवडणूक आयोग कामाला लागले. अखेर सोमवारी नगरपरिषद, नगरपंचायत समितीच्या पदासाठी आरक्षण सोडत जाहीर करण्यात आली आहे. त्यामुळे दिवाळीनंतर राज्यात निवडणुकीचा बार उडणार आहे.
अनुसूचित जमातींसाठी राखीव नगरपरिषदा
भडगाव (जळगाव), वणी, पिंपळनेर (धुळे), उमरी (नांदेड), यवतमाळ, शेंदूरजनघाट
६८ नगरपरिषदा खुल्या प्रवर्गातील महिलांसाठी राखीव!
परळी वैजनाथ, मुखेड, अंबरनाथ, अचलपूर, मुदखेड, पवनी, कन्नड, मलकापूर-कोल्हापूर, मोवाड, पंढरपूर, खामगाव, गंगाखेड, धरणगाव, बार्शी, अंबड, गेवराई, म्हसवड, गडचिरोली, भंडारा, उरण, बुलढाणा, पैठण, कारंजा, नांदूरा, सावनेर, मंगळवेढा, कलमनूरी, आर्वी, किनवट, कागल, संगमनेर, मुरगुड, साकोली, कुरुंदवाड, पूर्णा, कळंब, चांदूररेल्वे, चांदूरबाजार, भूम, रत्नागिरी, रहिमतपूर, खेड, करमाळा, वसमत, हिंगणघाट, रावेर, जामनेर, पलुस, यावल, सावंतवाडी, जव्हार, तासगाव, राजापूर, सिंदीरेल्वे, जामखेड, चाकण, शेवगाव, लोणार, हदगाव, पन्हाळा, धर्माबाद, उमरखेड, मानवत, पाचोरा, पेण, फैजपूर, उदगीर, अलिबाग.
महिलांसाठी राखीव १६ नगरपरिषदा
अनुसूचित जातीच्या महिलांसाठी या राखीव नगरपरिषदेचा समावेश करण्यात आला आहे. बीड, मोहोळ, ओझर, शिर्डी, भुसावळ, दिग्रस, अकलूज, देऊळगावराजा, तेल्हारा, वानाडोंगरी, घुग्गूस, चिमूर, सावदा मैनदर्गी, दिगडोहदेवी व शिरोळ हे महिलांसाठी राखीव ठेवण्यात आले आहेत.
