मुंबई : महाराष्ट्र राज्य माध्यमिक व उच्च माध्यमिक शिक्षण मंडळामार्फत २०२७ मध्ये घेण्यात येणाऱ्या दहावी बारावी परीक्षेचे संभाव्य वेळापत्रक जाहीर करण्यात आले आहे. त्यानुसार बारावीची परीक्षा ८ फेब्रुवारीपासून तर दहावीची लेखी परीक्षा १५ फेब्रुवारीपासून सुरू होणार आहे.
राज्य मंडळामार्फत लेखी, प्रात्यक्षिक, तोंडी व अंतर्गत मूल्यमापन परीक्षेचे वेळापत्रक आज जाहीर करण्यात आले. त्यानुसार दहावीची लेखी परीक्षा सोमवार १५ फेब्रुवारी ते ११ मार्च २०२७ या कालावधीत होईल. तर प्रात्यक्षिक, तोंडी व अंतर्गत मूल्यमापन परीक्षा २८ जानेवारी ते १३ फेब्रुवारी २०२७ या कालावधीत होईल. तर बारावीची लेखी परीक्षा ८ फेब्रुवारी ते १६ मार्च या कालावधीत होईल. तर प्रात्यक्षिक, तोंडी व अंतर्गत मूल्यमापन परीक्षा २० जानेवारी ते ६ फेब्रुवारी २०२७ या कालावधीत होईल.
प्रात्यक्षिक परीक्षा, श्रेणी, तोंडी व अंतर्गत मूल्यमापन परीक्षा व लेखी परीक्षांचे विषयनिहाय सविस्तर वेळापत्रक स्वतंत्रपणे मंडळाच्या संकेतस्थळावर जाहीर करण्यात येणार आहे.
